Сергей Григорьевич Чавайн

Чавайн Кыргори Серге (руш. Сергей Григорьевич Чавайн) марий поэт да сылнымутчо лийын.

Чавайн (чын тукымлӱмжӧ Григорьев) 1888 ийын 6 шыжаште (тошто жапрадам дене 24 идымыште) Морко кундемысе Изи Корамас ялыште шочын.

1904 - Озаҥысе инородческий семинарийыш тунемаш пура. Тушто руш поэт-влакын возымыштым марлаш кусараш тӱҥалеш.

1905 - "Ото" почеламутым воза.

1917 ий марте тудо 30 утла почеламутым, "Вувер" поэме-йомакым серен.

Семинарийым пытарымеке, 1908-1915 ийлаште Чавайн Сотнур волостьыш пурышо Петъял, Руш-Шайра ялласе школлаште да Сотнур кок-классан школышто туныктен.

1915 - Чавайн Казахстаныш илаш кусна, Аральск кӱртньыгорно школышто туныкта.

1919 - Чавайн шочмо кундемышкыже пӧртылеш, "Йошкар кече" газетыште пашам ышта.

1928 - "Мӱкш отар" пьесым воза.

1934 гыч ССРУ сылнымутчо ушем йыжъеҥ.

1935 - "Акпатыр" пьесым сера.

1935-1937 "Элнет" романым воза, 1-ше ужашыже 1936 савыкталт лектеш.

1937 ийын 11 кылмыште Чавайным лӱен пуштыныт.