Эстон родо-тукым калык-влак программын Литератур премийже
16.04.08
Увертарымаш
 Эстон
родо-тукым калык-влак программе да Финн-угор
литератур-влак ассоциаций Тыланда кажне
ийын ойырымо урал йылме тÿшкаш пурышо да
шке кугыжнышдыме родо-тукым сылнымутчо,
кусарыше да сылнымутшанчызе-влаклан Литератур
премий нерген увертарат.
Эстон родо-тукым калык-влак программе
Сылнымут премийым тыгай номинацийлаште
увертара:
1. сылнымутан прозо произведений (роман,
новелле, пьесе);
2. сылнымутан поэзий произведений;
3. кусарыме произведений (роман, новелле
пого, почеламут пого, пьесе, эссе пого, йоча
книга - урал йылме-влак гыч кусарымаш сайраклан
шотлалтеш);
4. йоча книга;
5. сылнымутшанче произведений (сылнымут
историй, литератур критике, ессе пого,
публицистике).
Сылнымут премийын номинантше пытартыш
ныл ий жапыште (2004-2007) книга семын (але –
исключений семын – журналыште 30 лышташ
деч шагалрак огыл) савыкталтше иктаж урал
йылмытÿшка йылме дене возымо оригинальный
сылнымутан прозо произведений, сылнымутан
поэзий произведений, йоча книга, сылнымутшанче
паша да сылнымутан произведенийын кусарымашыже
лийын кертеш. Премий урал йылме-влак дене
возымо произведений-влаклан пуалтеш, нунын
литератур да йылме кÿкшытышт, эксперт-влакын
аклымышт почеш, ойыртемалтше лийшаш да
шочмо йылмым аралаш, вияҥдаш полшышаш.
Кажне номинацийыште премийын кугытшо
20 000 эстон крон (43 400 теҥге наре) да кажне
номинацийыште премий правил семын ик еҥлан
пуалтеш.
Премий 1-ше ноябрьын, удмурт сылнымутчо
Кузебай Гердым лÿымö кечым шарныме лÿмеш,
увертаралтеш.
Литератур премийым налаш тыршыше-влаклан
увер:
Премийым налаш тыршыше пуышаш:
1. савыктыме произведенийжым 2 экземпляр
дене;
2. 1-2 темлымашым / экспертын
аклымыжым (эстонла, рушла але англичанла);
3. йодмашым (эстонла, рушла але англичанла),
кушто тукымлÿмым, лÿмым да ачалÿмым (да
псевдонимым) ончыктымо, шочмо кечым, паша
верым, мöҥгысö да паша адресым да телефоным,
тыгак, уло гын, премийым налаш тыршышын
факсшым да электрон почтыжым;
4. ончыч савыктыме шке возымо да/але кусарыме
произведений-влак лÿмерым (эстонла, рушла
але англичанла);
Жюрий Литератур премийм налаш тыршыше-влакын
йодмашыштым ийлан ик гана онча. Кÿлеш
произведений да документ-влакым 1 сентябрь
марте Родо-тукым калык-влак программе Каҥашлан
тыгай адрес дене колтыман:
Hõimurahvaste Programmi Nõukogu sekretariaat
Uurali keelte õppetool, Ülikooli 18, Tartu 50090, Eesti
Темлымаш-влакым, йодмашым да произведений-влак
спискым тыгак kadi.sarv@ut.ee
электрон адрес але +372 - 7 375 222 але +372 - 7 376
216 факс денат колташ лиеш.
Чыла кÿлеш документ-влакым кмпутер але
печатлыме машин дене возаш йодына.
Ешартыш информацийым +372 - 6 013 074; +372
- 51 107 94 телефон але valton30@hotmail.com
электрон почто дене йодаш лиеш.
Эстон родо-тукым калык-влак программе
Важ: Эстон
родо-тукым калык-влак программын сйтше
|