"Эстонилäн 80 и" фотоанжыктымаш

30.05.08

Кырык Мары мычкы шӱмбел Эстони гишäн шайыштшы фотоанжыктымаш сäрнä. 

Ти анжыктымаш Эстонин 80 им темӹмӹ юбилейжӹ доно кӹлдäлтӹн дä пачашыжат тӹдӹм лач 24-шы февральын пачмы. Тидӹ изи форматшы доно Цикмä халан электронный приборвлäн коллдежын библиотекӹштӹжӹ эртен. 

Лач ти кечӹн 1918-шӹ ин Эстонин Тарту халаштыжы сäндäлӹкӹн ӹшкевуя виäнгäш тӹнгäлмӹ Декларацим халыклан увертäрӹмӹ ылын. 

Но официальныжок 40 нäрӹ картинäн фотоанжыктымашым икшӹ апрельӹн Никон Игнатьев лӹмäн библиотекӹн залыштыжы пачмы. Тӹ кечӹн фотоанжыктымаш доно Игнатьев лӹмеш эртäрӹмӹ конференцишкӹ погынышывлä пäлӹмӹ линӹт дä эстон халыкын кӹзӹтшӹ ӹлӹмäшӹжӹ гишäн визуально пäлен нäлӹнӹт. 

Фотоанжыктымашын цельжӹ - Эстоним туризм сäндäлӹк семӹнь агыл анжыкташ, кыце тагачы кечӹн эстонвлä ӹлäт - тӹдӹ ылеш, седӹндоно, айовлä гӹц пасна проста эдемвлäн портретвлäмäт фотографивлäштӹ ужат. 

Чӹдӹ агыл вäрӹм солаштыш пейзажвлä йäшнäт. Сек шукыжымок кырык дä кожла мары анжышывлä сетувлäн дä Эстоништӹш марынвлäн ӹлӹмäшӹштӹ гишäн пäлен нäлӹн кердӹт. 

Кӹзӹт фотоанжыктымаш Цикмä гӹц Йоласал библиотекӹшкӹ ванжен дä тӹшецӹн Пистерлä библиотекӹшкӹ корныжым кыча. 

Фотоанжыктымашым организуйымашты ”Цикмä” журнал дон Кырык Мары районын Культура пöлкäжӹ кого палшыкым пуэнӹт, ти шотышты лӹмӹнок пöлкäн вуйлатышыжы Лидия Смирнован дä Хельсинкиштӹ ӹлӹшӹ Юлия Купринан шытырышты гишäн пäлдӹртӹмӹ шоэш. 

Фотопäшäвлäн лӹмӹштӹм кырык марла сирӹмӹ.

Валерий Аликов,

Фермер Пекунькин Льоксандр, ”Шактенваж” фолькгруппын солистшы Артем Смирнов дä культура менеджер Кокушкин Васли фотоанжыктымашын вернисажышты. Цикмä хала. Юлия Купринан фотожы.