Австрий гыч программист марий йылмым Интернетыште вияҥда
24.04.08
 Австрий
гыч программист Джереми Мос Брадлей марла
мошта да марий йылмым Интернетыште шараш
тырша.
Джереми марий йылме гыч англичан, немыч,
руш, финн, эстон да венгр йылмыш да мӧнгешла
кусарыше Интернет-мутерын
тергыме версийжым ыштен. Мутерын англичан
да немыч ужашыже ямде улыт, ман воза Джереми
mari-el.name
сайтыште.
Австрий гыч программист марий морфологийым
шымлыше-влаклан генераторым
да латин буква дене возымо марла текстым
кириллицыш кусарышe конвертерым
темла.
Тыгак, Джереми марла Википедийым ыштыме сомылыш ушнаш ӱжеш. Марла Википедийын тергыме версийжылан Арто Мойсио негызым пыштен.
MariUver
|