Марий-влак ООН гыч полышым вучат

25.03.2005

Марий-влак, шке чолга еҥыштым аралаш да нунылан полшаш манын ОНН-ыш серышым ямдылент.

Марий Элыште еҥ-влакым паша гыч Маркеловын вуйлатыме властьше  закондымын, шыгыремден луктын колтымеке, нунылан тетела чыла вере омса петырыме.

Тугеже республикыште "вес семын шонышо-влак" вашке кÿчызыш савырнен кертыт. Нунын йочашт моло-влак семын тунем огыт керт (тыгай ача але аван вузлаште тунемше икшывыштым шыгыремдылаш тыршыме фактат уло), моло йоча семын иктöр тунемын да кушкын огыт керт. Тыгай радымыште эн шукынжо марий-влак улыт. 

Мер толкын-влак нунылан материально полшен огыт керт. Тыгай ситуацийыште шомак дене гына лыпландарыме шагал. А республикыште илыш условий (поснак яллаште) пеш начар. 

Тидым шотыш налын республикысе мер ушемын еҥже-влак амал деч посна шыгыремдылме еҥ-влаклан да нунын ешыштлан полшаш йодын ООН-ыш серышым ямдыленыт. Полыш адрес кажне еҥ да ешлан посна - адрес почеш - ойыралтшаш. 

Тыгай ошкылым ышташ теве мо таратен: республикысе власть шыгыремдылеш, а Российысе власть, мыняр серышым возымо гынат, тидым шотыш ок нал. 

Ик кечыште 60 утла серышым погымо. Лишыл кок-кум арняште тиде серыш йымалан тÿжем наре кидпалым погаш манын актвиист-влак кутырен келшеныт. 

ЭИА "МариЭкспресс"